Bókin um einhverfu - spurt og svarað

Í gær (tæknilega séð í fyrradag) fékk ég alveg frábæra gjöf.  Þetta var svona einskonar afmælisgjöf.  Ekki svo að skilja að ég ætti afmæli heldur átti Umsjónarfélag einhverfra afmæli á síðasta ári og í tilefni af því gaf félagið öllum sínum  félagsmönnum eintak af nýútkominni bók sem heitir "Bókin um einhverfu - spurt og svarað".
Bókin er þýðing og staðfæring á bókinni The Autism Book: Answers to Your Most Pressing Questions eftir Jhoanna Robledo og Dawn Ham-Kucharski.  Eiríkur Þorláksson fyrrverandi formaður Umsjónarfélags einhverfra þýddi bókina og Sigríður Lóa Jónsdóttir sálfræðingur á Greiningar- og ráðgjafastöð ríkisins staðfærði.  Hér má sjá sýnishorn úr bókinni góðu ......

Í framtíðinni ætlar félagið að gefa foreldrum nýgreindra barna eintak af bókinni sem er frábært framtak !  Ég hefði alveg viljað fá svona bók þegar að synir mínir greindust. 

Fyrir þá sem vilja eignast bókina þá fæst hún í flestum bókabúðum og kostar 2.490 krónur  

Athugasemdir

[., 18.4.2008 kl. 10:46]

Ég er búin að fá mitt eintak af þessari góðu bók og framtak félagsins finnst mér meir en frábært....

[Brynhildur (IP-tala skráð) 18.4.2008 kl. 16:32]

var ekki löngu komin tími á almennilega bók um þetta málefni?

[Garún, 18.4.2008 kl. 21:58]

Er ekki hægt að kaupa hana á netinu?

[Gunnar Helgi Eysteinsson, 19.4.2008 kl. 11:56]

Takk fyrir þetta.

[Kristín Katla Árnadóttir, 20.4.2008 kl. 13:27]

Það er gott  að  svona góð bók er komin út fyrir þá sem þurfa.

[Kolbrún Jónsdóttir, 20.4.2008 kl. 15:25]

Mitt eintak er á leiðinni til Danmerkur.... hlakka mikið til að lesa þessa bók.

[Rannveig Lena Gísladóttir, 20.4.2008 kl. 15:52]

Ætla að semja við múttu um að lána mér sitt eintak til aflestrar þegar að prófin eru búin 

[Berta María Hreinsdóttir, 20.4.2008 kl. 17:52]

Þessi bók fer pottþétt á óskalistann minn:)