Allt of þreytt til að blogga ....

...... en ég ætla nú samt að hamra smávegis inn ......

Undanfarna daga hefur svo sem ekki mikið á daga mína drifið.  Lífið er kominn í sinn vanagang eftir vel heppnað og skemmtilegt sumarfrí   Ég byrjaði að vinna á þriðjudagskvöld (er s.s. á vakt nr. 3 núna ...... GEYSP), Óli byrjaði í sinni vinnu á þriðjudaginn, strákarnir fóru í frístund og Halla Katrín á leikskólann á þriðjudaginn einnig   Mikið svakalega er nú gott að lífið færist aftur í fastar skorður eftir sumarfrí.  Ekki það að ég sé að vanþakka sumarfríið eða að það hafi verið leiðinlegt, það er alls ekki svo.  Heldur er þetta bara orðið svolítið langt frí fyrir einhverfu gaurana mína sem þrífast á því að hafa allt í föstum skorðum.  Það var eiginlega alveg óborganleg sjón að fylgjast með honum Sigtryggi mínum á mánudagskvöldið.  Hann ljómaði eins og sól í heiði yfir því að vera að fara í frístundina daginn eftir   Greinilega mjög sáttur við að allt væri að færast í sínar föstu skorður.

Hjá mörgum telst það kannski ekki til frétta að fara í bíó en hjá mér telst það sko til frétta !  En á mánudagskvöldið fór ég í bíó með henni Kiddý   Við fórum að sjá Mamma Mía í Smárabíó og men hvað ég skemmti mér konunglega !  Þessi mynd er alveg frábær   Mest langaði mér til að syngja með en ég held að þeir sem sátu í kringum mig hefur kannski ekki höndlað það þannig að ég raulaði bara með í hljóði ........

Læt þetta duga í þetta sinn .....

 

Athugasemdir

[Guðmundur Þór Jónsson, 8.8.2008 kl. 15:18]

Sælar. Já, alltaf gaman að raula með á svona góðum myndum. Alltaf gott að byrja aftur eftir sumarfrí. Góða helgi og hafið það gott.

[Afi úr sveitinni (IP-tala skráð) 8.8.2008 kl. 18:50]

Gaman að sjá að þú ert vöknuð.  Maður kíkir á hverjum degi, með ósk um að sjá eitthvað nýtt og skemmtilegt.

Bestu kveðjur, afi. 

[Inda (IP-tala skráð) 9.8.2008 kl. 11:55]

Ohh ég verð að sjá þessa mynd :)

En gaman að sjá þig í gær ..þú lítur ljómandi vel út :)

Knús Inda