Síðan síðast .....

hefur ýmislegt gerst hjá undirritaðri.  Mannsefnið mitt skilaði sér heim rétt eftir hádegi á 17. júní.  Heilsufarið hjá honum blessuðum var alveg ótrúlega gott.  Allavega miklu betra en ég átti von á ......  Það varð svo sem ekki mikið úr deginum hjá okkur því Halla litla var orðin lasin þannig að við létum nægja að fara í smá bíltúr og svo í mat til tengdó um kvöldið.    Halla er búin að vera með hita síðan eða þangað til í kvöld en þá var hún hitalaus. 

Halla Katrín á góðri stund

Á mánudaginn kom unglingurinn minn hann Kristján Atli heim eftir rúmlega 1/2 mánaðar dvöl fyrir norðan ýmist í sveitinni hjá Árnýju systir eða á Blönduósi hjá afa sínum og ömmu. 
Elsku Árný, mamma og pabbi og allir hinir, takk fyrir strákinn minn stóra
Núna eru þeir bræður byrjaðir á leikjanámskeiði í Langholtsskóla.  Það er ekki laust við að ég finni hvað þeir eru fegnir að byrja í "sumarskólanum", hann hefur verið fastur passi í lífi þeirra svo lengi. 
Í dag fór Sigtryggur Einar í Hólaberg og hann kemur heim aftur á fimmtudaginn.  Nú fer að líða að því að það loki í Hólabergi, þ.e. árleg sumarlokun en við vorum svo séð að skipuleggja sumarfríið okkar meðan að sú lokun stendur yfir.

Áður en að Kristján Atli kom heim dreif ég mig í að taka herbergið hans rækilega í gegn.  Og þá er ég sko að meina RÆKILEGA !  Eitt af því sem sat á efstu hillu í herberginu hans var gamli bangsinn minn hann Snúður karlinn, orðinn vel rykugur og slitinn.  Þegar ég tók hann niður og ætlaði með hann út að dusta af honum rykið sá ég að það hefði í raun engan tilgang, hann mundi örugglega detta í sundur við það.  Þarna voru örlög hans ráðin .... Ég fór með hann inn í stofusófa og tók af honum myndir og svo fór hann með öðru dóti út í bíl og þaðan í sorpu
Rosalega er erfitt að láta svona dót fara.  Þessi bangsi er búinn að vara stór hluti að lífi mínu í svo langan tíma.  Ég fékk Snúð þegar pabbi og mamma ákváðu að nú skildi ég hætta að skríða uppí til þeirra á nóttunni.  Áætlun þeirra tókst og ég steinhætti að fara inn til þeirra á nóttunni.

 

Núna eru bara 10 dagar og 13 klst þangað til að stóra stundin rennur upp !  Ég verð að viðurkenna að ég er orðin þokkalega spennt og svolítið stressuð   Ég var alveg viss um að ég væri sko búin að græja allt og undirbúa en þegar betur var að gáð þá voru ýmsir litlir og laflausir endar eftir ....... en ekkert sem næst ekki að græja í tæka tíð !

Þar til næst ..... Hafið það eins gott og þið mögulega getið !

 

Numinn á brott !

Já tilvonandi eiginmaður minn var numinn á brott í dag af mjög vafasömum mönnum Nei ..... smá grín ..... þeir voru ekki svo vafasamir   Þarna voru á ferðinni félagar hans sem komu að sækja hann í þeim tilgangi að steggja greyið hann Óla minn   Ég hef nokkuð áreiðanlegar heimildir fyrir því hvert átti að fara með hann og gera við hann og satt að segja er það allt mjög saklaust.  Allavega í samanburði við það sem ég varð vitni að í dag.  Ég fór niður í Rimaapótek í dag og á planinu þar kom hópur af mönnum út úr bíl.  Einn af þessum mönnum var mjög svo undarlegur til fara og greinilega alls ekki edrú.  Strákgreyið var í kvennærfatnaði með sokkaböndum og alles í næfurþunnum undirkjól   Félagar hans voru sennilega ekki edrú heldur og voru þeir að láta greyið fara inn í verslanir í þessari múnderingu  
Félagar hans Óla fóru með hann í river rafting og svo í sumarbústað þar sem átti að grilla og fá sér obbolítið í eina tánna.  Ég fékk hátíðlegt loforð um að þeir mundu skila honum, ja eða restinni af honum heim ekki seinna en á hádegi á morgun

 

Það eru bara .....

16 sólarhringar, 11 klukkustundir og 10 mínútur þangað til að stóra stundin rennur upp
eða 395 klukkustundir og 10 mínútur ..........
já eða 23.710 mínútur !

Svei mér þá þetta er að bresta á !!!!!

Það er víst bannað að ljúga ...

nema þegar það hefur mjög jákvæðan tilgang og gert öðrum til hagsbóta (eða er það ekki ?) Ég laug nefnilega að litlu systur minni núna nýlega   En allt var það nú samt gert til að gleðja hana sko   Málið er nefnilega að ekki fyrir löngu síðan hringdi kærastinn hennar í mig og bað mig um að hjálpa sér svolítið.  Þau ætluðu að koma í borgina um helgina og gista hjá mér og hann langaði að koma henni svolítið á óvart á föstudagskvöldið.  Mitt hlutverk var að finna upp á einhverju til að hún færi í sparifötin og hefði sig til án þess að vita hvert hún væri í rauninni að fara .......  Eftir smá umhugsun hringdi ég í hana og bað hana að gera mér þann greiða að mæta með mér á opnun á ljósmyndasýningu.  Maðurinn minn kæmist ekki með mér og ég vildi ekki fara ein.  Hún var nú ekkert voða spennt í fyrstu en auðvitað lét hún eftir mér .......   Þrátt fyrir að ég væri að fara á næturvakt spilaði ég áfram með og við systurnar drifum okkur í að taka okkur til fyrir "opnunina"   Það var auðvitað farið í sturtu, smelltum okkur í bingógallann, hárið blásið og sléttað og sparslað í mestu hrukkurnar í andlitinu og helstu línur skerptar þar ...... Þegar komið var að því að fara af stað blasti við henni kærastinn (auðvitað kominn í bingógallann) á HRIKALEGA flottum bíl að sækja hana   Nú þau fóru út að borða eitthvað svakalega fínt og ég fékk mér pizzusneið, lagði mig í smá stund og fór svo svona svakalega fín í VINNUNA

Stóð upp í fyrsta sinn

Hún Halla Katrín stóð upp í fyrsta sinn alveg sjálf í gær   Ég var svo stálheppin að myndavélin var innan seilingar þannig að ég náði mynd af litlu hetjunni:

 

Hún stóð ekki lengi en þegar hún reyndi aftur skömmu seinna var ég tilbúin með myndavélina á upptöku og náði smá myndbandbroti af því  

 

Að rifna úr stolti !

 

Ég er vissulega mjög stolt af öllum börnunum mínum 4 en í dag var ég alveg extra stolt af þessum á myndinni hérna fyrir ofan    Fyrir þá sem ekki vita er þetta yngsti sonur minn hann Sigurjón Stefán. Um þessar mundir er hann að klára sinn fyrsta vetur í skóla og í byrjun skólaársins var mikill kvíði í okkur foreldrunum ...... Hann er nefnilega "mjög virkur" EN þessi litli / stóri snillingur okkar er alveg búinn að brillera í 1. bekk Hann hefur tekið miklum framförum í hegðun og sjálfsstjórn, að mínu mati miklu meiri framförum en mér fannst rétt að gera sér vonir um á einum vetri.  Námslega hefur hann svo verið að skara framúr   Þrátt fyrir að vera svona ör.  Hann er alveg læs og tók lestrarpróf upp á 3,4 (hraðapróf) sem er víst frábær árangur í 1. bekk.  Svo tók hann próf í stærðfræði upp á 10 Kennararnir ákváðu að leggja fyrir hann miðsvetrarpróf í stærðfræði fyrir 2. bekk og þar náði hann ríflega 8,0 (Kennarinn átti eftir að klára að fara yfir prófið)  Það eina sem ekki liggur vel fyrir honum Sigurjóni er skriftin en hvaða strákum finnst nauðsynlegt að skrifa fallega ?  Ekki mínum strák allavega ......

 

 

Í dag fór ég líka með elsta strákinn minn hann Kristján Atla í smá útskriftarathöfn en hann var að klára miðstigið í grunnskólanum og næsta vetur tekur unglingastigið við með allri gelgjunni og öllu hinu sem fylgir. Það er reyndar alllangt síðan að gelgjan fór að láta á sér kræla ........  Kristján er ekki búinn að fá sínar einkunnir ennþá en ég veit að hann hefur líka staðið sig með eindæmum vel og get líka verið mjög stolt af honum

 

 Að lokum vil ég minnast hennar Ástu Lovísu Vilhjálmsdóttur sem lést í dag úr krabbameini.

Guð veri með litlu börnunum hennar þremur á þessum erfiðu tímum 

 

 

Smá grín og grillveisla í Hólabergi

Fórum í dag í árlega grillveislu í Hólabergi.  Alveg frábærlega vel heppnuð veisla þar sem börnin voru auðvitað í fyrirrúmi og veitingarnar voru pylsur og gos   Veðrið alveg frábært og allir voða glaðir.  Sigtryggur kaus að fara í hesthúsið með Ragnhildi og koma seint í veisluna.  Þessi forgangsröðun kom ekki neinum á óvart sem þekkir Sigtrygg vel ...... 

Fullt af myndum úr veislunni hér

 

Svo er það grínið ..... Fékk þetta sent í e-mail frá vinkonu minni í dag, alger snilld

Íslendingar eru svoooo svalir ! 

+15°C / 59°F
This is as warm as it gets in Iceland, so we'll start here.
People in Spain wear winter-coats and gloves.
The Icelanders are out in the sun, getting a tan.

+10°C / 50°F
The French are trying in vain to start their central heating.
The Icelanders plant flowers in their gardens.

+5°C / 41°F
Italian cars won't start.
The Icelanders are cruising in Saab cabriolets.

0°C / 32°F
Distilled water freezes.
The water in Hvita river gets a little thicker.

-5°C / 23°F
People in California almost freeze to death.
The Icelanders have their final barbecue before winter.

-10°C / 14°F
The Brits start the heat in their houses.
The Icelanders start using long sleeves.

-20°C / -4°F
The Aussies flee from Mallorca.
The Icelanders end their Midsummer celebrations. Autumn is here.

-30°C / -22°F
People in Greece die from the cold and disappear from the face of the earth.
The Icelanders start drying their laundry indoors.

-40°C / -40°F
Paris start cracking in the cold.
The Icelanders stand in line at the hotdog stands.

-50°C / -58°F
Polar bears start evacuating the North Pole.
The Icelanders navy postpones their winter survival training awaiting real winter weather.

-60°C / -76°F
Myvatn freezes.
The Icelanders rent a movie and stay indoors.

-70°C / -94°F
Santa moves south.
The Icelanders get frustrated since they can't store their Brennavinn outdoors.
The Icelanders navy goes out on winter survival training.

-183°C / -297.4°F
Microbes in food don't survive.
The Icelandic cows complain that the farmers' hands are cold.

-273°C / -459.4°F
ALL atom-based movement halts.
The Icelanders start saying "it's cold outside today."

-300°C / -508°F
Hell freezes over,
Iceland wins the Eurovision Song Contest.

Vegna fjölda áskorana .....

ja allavega tveggja, þá hef ég ákveðið að setja inn smá fréttir héðan úr uppsveitum Reykjavíkur   Af mér og mínum eru að mestu leyti bestu fréttir.  Allir við hestaheilsu eins og er og verða vonandi eitthvað áfram ......
Nú er blessaður skólinn að verða búinn hjá drengjunum og boj hvað allavega sá elsti er farinn að hlakka til   Hann er komin með skólaleiða á mjög háu stigi !  Ekki lagaðist sá leiði þegar Sigtryggur Einar fékk að fara norður á Blönduós með ömmu sinni á föstudaginn og sleppa þar af leiðandi við 2 heila daga í skólanum !  Þetta fannst Kristjáni mikið ranglæti ......   Stefnan er að Sigtryggur komi suður með ömmu sinni á morgun en miðað við síðustu fréttir eru þau mamma og hann ekki alveg sammála um hvort það sé svo mikilvægt að fara suður ...... Drengurinn er víst ekki á því að það sé svo nauðsynlegt.
Af minnsta stráknum mínum honum Sigurjóni er líka allt gott að frétta.  Hann fékk að koma til okkar Óla í gær í smá aukaheimsókn.  Við Óli skiluðum honum svo heim um klukkan fjögur í dag.  Drengurinn búinn að vera mikið úti að leika sér í allan dag og farinn að kynnast krökkunum hérna í kring og alsæll.  Rétt eftir kvöldmatinn var hringt í mig og ég beðin að taka símann af honum Sigurjóni því hann hafði verið að ónáða viðkomandi mörgum sinnum (hún hélt ca 20 símtöl og slatti af sms) ég þurfti ekki að klóra mér lengi í hausnum til að fatta að litli símasjúklingurinn minn hafði náð að stela símanum af stóra bróður sínum og farið með hann heim.  Ég hringdi auðvitað í gemlinginn og innti hann eftir því hvort hann væri með símann og hann viðurkenndi það að lokum en að undangengnu því að játa líka fyrir mér að hann hefði verið týndur og pabbi hans hafði þurft að leyta að honum og fundið hann að lokum uppi á þaki á einhverju húsi í nágrenninu.  Það þarf varla að taka það fram að pabbi hans var ekki hress með þessi uppátæki hjá drengnum.  Refsingin verður að hann fær ekki að hafa sinn síma (sem er b.t.w. dótasími) í óákveðinn tíma.  Þetta er alveg ferlegt hvað drengurinn er símasjúkur !  Hér fyrir neðan er mynd af Sigurjóni að máta hjólið mitt

 

   Tekur hann sig ekki vel út ?

 

Halla Katrín heldur áfram að stækka sem aldrei fyrr og bæta við sig ýmsum hæfileikum.  Tönnunum hefur ekkert fjölgað og eru þær ennþá bara 2.  Hún er farin að setjast upp og bisa við að reyna að standa upp.  Eitthvað gengur það síðarnefnda illa en ég er viss um að það tekst fyrr en varir.  Hún er farin að segja mamma og babba (ísl. þýð. pabbi)  

 

Halla Katrín Weywadt pabbastelpa

 

Nú styttist óðum í stóra daginn ! En það er fyrir þá sem ekki vita 30. júní   Þann dag ætlum við Óli minn að gifta okkur.  Undirbúningur er búinn að vera svolítill en hann er á lokastigi.  Við erum búin að fá eina svona fyrirfram brúðargjöf.  Við fengum svona "tungusófa" frá vinum okkar þeim Gunnu og Sævari   Ef þið lesið þetta, Sævar og Gunna ..... Kærar þakkir

 

Að lokum langar mig að benda á myndasíðuna okkar en hana finnið þið undir slóðinni http://myndir.us/anna/gallery 

 

 

Þema dagsins er "skápatiltekt" !

Þegar liðið mitt bæði stórt og smátt var farið í vinnu og skóla í morgun ákvað ég að sleppa endurnæringarviðbótarlúrnum sem ég tek stundum á morgnana og hella mér í tiltekt á heimilinu !  (Veitti sko ekki af!)  Efst á forgangslistanum urðu fataskáparnir og þá fremstur í þeirri röð forstofuskápurinn.  Þar var ástandið orðið svo slæmt að maður varð eiginlega að troða inn í'ann og skella á eftir því og fá svo allt draslið í feisið næst þegar var opnað.  Þessi mikla skápatiltekt endaði með sorpuferð með tvo stóra poka fulla af fötum sem fóru í Rauða kross gám.  Skelfing er það skrítið hvað það er erfitt að henda jafnóðum ..... alltaf heitir maður því að henda jafnóðum en gerir svo alltaf sömu vitleysuna ..... safna drasli þar til allt er komið í óefni og taka þá trylling ! *dæs*
Þegar skápatiltektartryllingurinn var búinn tók ég mér til og smellti mér í lit og plokkun og svei mér þá ég er hætt að líta út eins og ég sé búin að vera með flensuna í mánuð eða meira   Ég er actually komin með andlit .... eða eins og frænka mín orðaði það svo smekklega þá er þetta víst að fara í framköllun

Over and out ....
~Anna~ komin með andlit aftur

Vrúmmmmmmmmm

Ví hí ...... Ég fór LOKSINS út að hjóla í dag á nýja hjólinu   Hrikalega gaman ! 

 

 

 

 

 

 

 

 

 

 

 

Allt í góðum gír nema blogggleðin hjá mér er í algeru lágmarki .....
Þar til næst hafið það eins gott  og  þið mögulega getið !
~Anna~