Alveg að bresta á með sumarfríi !

Í þessum skrifuðu orðum eru bara 5 1/2 tími eftir af síðustu vaktinni minni fyrir sumarfrí   Nú og svo eru bara 2 sólarhringar þangað til að við leggjum í'ann til Danmerkur   Tóm gleði og engin vinna fyrr en eftir verslunarmannahelgi   Spennan fyrir Danmerkurferðinni stigmagnast og meira segja er Halla litla farin að segja: "Gammökku" (ísl. þýð. = Danmörku) þegar hún er spurð að því hvert hún sé að fara með stóru flugvélinni á föstudaginn

Síðustu dagar hafa verið frekar rólegir og afslappaðir hjá mér.  Sigtryggur er ennþá í sumarbúðunum í Reykjadal og Kristján og Sigurjón báðir hjá pabba þeirra. 
Um síðustu helgi fórum við Óli ásamt stelpukrílinu henni Höllu Kötu austur í Ormsstaði.  Þar bauðst okkur "sumarbústaður" yfir helgina.   Við höfðum það svaka fínt þar og Óli notaði laugardaginn í að skreppa í smá hjólaferð með Nonna. 

Á mánudaginn var svo tvöfalt afmæli heima hjá mér, Óli minn varð 37 ára og við áttum eins árs brúðkaupsafmæli   Við héldum upp á daginn með því að fara saman út að borða í hádeginu á TGI Friays og grilla svo nautalund í kvöldmatinn   Það var auðvitað rauðvín með nautinu en samt mjöööööög lítið handa mér því að eftir matinn lagði ég mig og fór svo í vinnuna um nóttina ........ Svolítið fúlt en við bætum það bara upp á miðvikudagskvöldið   Og þá er ég vitanlega að tala um að klára rauðvínsflöskuna  

Orðaforðinn hjá stelpukrílinu mínu er sífellt að aukast og getur það verið mjög fyndið að heyra það sem hún hefur að segja.  Eitt af því nýjasta hjá henni er að hneykslast og segja "ó mæ dod !"    Svo þegar við erum að hvetja hana til að t.d. klára matinn sinn lítur hún á mann og segir ákveðin: "Nei mamma, tetta alveg nó"

Að lokum er svo myndbandstubbur sem að ég tók af henni í dag við að telja peninga sem hún var að fara að setja í baukinn sinn.  Þess má geta að það er hann Sigurjón Stefán, stóri bróðir með meiru, sem á heiðurinn af því að kenna systur sinni að telja

Smá viðbót ...... Það eru nýjar myndir í albúminu hérna á bloggsíðunni ......

Athugasemdir

[., 2.7.2008 kl. 10:10]

Sko þá stuttu, ömmu er líka farið að hlakka til, verðum komin til ykkar um kvöldmat á morgun, kannski fyrr......

[Gunnar Helgi Eysteinsson, 2.7.2008 kl. 15:01]

Til hamingju með brúðkaupsafmælið.

Dúlla þessi litla

[Bryndís Eva Vilhjálmsdóttir, 2.7.2008 kl. 15:59]

Ég óska þér og þínum góða ferð í Danaveldið!

Og innilega til hamingju með giftingarárin!

Lengi lifi rómantíkin!

[www.zordis.com, 2.7.2008 kl. 19:46]

Til lukku með Óla og brúðkaupsafmælið .... Ástin er dæmalaust yndisleg

Svo er miðvikudagskvöld og ég segi bara skál til ykkar!

[Kolbrún Jónsdóttir, 2.7.2008 kl. 19:58]

Góða ferð kæra fjölskylda til Danmerkur.

Þið verðið endilega í sambandi ef þið eruð að keyra framhjá Horsens.  Símanúmerið mitt er 2789 2521

[Guðmundur Þór Jónsson, 4.7.2008 kl. 20:40]

Góða ferð út og skemmtið ykkur vel. Algjör snúlla hún Halla litla. Hafið það gott.

[Linda Linnet Hilmarsdóttir, 6.7.2008 kl. 20:47]

Innlitskvitt og bestu kveðjur