Nú er ég orðlaus !

Hann Sigtryggur minn á það til að gera mig alveg kjaftstopp.  Um daginn hafði hann mörg orð um það að hann vildi ekki fleiri systkini, sagði reyndar í sífellu: "ekki fleiri börn".  Hann meira að segja sagði afa sínum þetta í kirkjunni þegar að við Óli vorum að gifta okkur.  En nú er nú aldeilis komið annað hljóð í strokkinn !  Núna í kvöld þegar að ég var að baða systur hans kom hann til mín og sagði við mig eitthvað á þessa leið: "veistu mig dreymdi í nótt". 
"Hvað dreymdi þig vinur ?" svaraði ég.
"fleiri bræður" sagði Sigtryggur og brosti. 
Ég hélt ég hefði verið að heyra vitlaust og sagði við hann: "þú átt 2 bræður Sigtryggur minn"
"Ég vil 3 bræður" svaraði hann að bragði.
Á þessu augnabliki var ég orðin alveg kjaftstopp !  Hann var að biðja um fleiri systkini.  En hann var ekki hættur, eftir smá stund kom hann til mín og sagði: "Hann á að heita Elías Weywadt Ólafsson,  WeyWadt svona eins og Halla Katrín".  Ef ég bara vissi hvaðan hann hefur þessa hugdettu, ég mundi gefa mikið fyrir að vita hvaðan þetta kemur .......

Eins og margir vita átti ég afmæli s.l. laugardag.  Ef allar upplýsingar eru réttar varð ég 34 ára þennan dag   Kærar þakkir til allra sem sendu mér kveðju á afmælisdaginn

Athugasemdir

[Rannveig Lena Gísladóttir, 12.11.2007 kl. 21:29]

Hann hefur eflaust sínar ástæður fyrir nafninu... og aldrei að vita nema að hann segi þér það einhvern daginn.

Góða skemmtun við að búa Elías til   Á ekki að skella í?

[Gerða Kristjáns, 12.11.2007 kl. 22:54]

Elías er ljómandi fínt nafn á nýja bróður hans :)

[Anna Gísladóttir, 13.11.2007 kl. 08:59]

Já en ég er bara ekki alveg á því að fara að bæta við ....

[Anna Málfríður (IP-tala skráð) 13.11.2007 kl. 09:29]

Ha ha, hann Sigtryggur svíkur ekki  Frábær drengurinn! Þið Óli verðið nú ekki í vandræðum með að búa hann Elías til

Já og elsku nafna: Til hamingju með afmælið um daginn

[Solla, 13.11.2007 kl. 12:09]

HAHA. aldrei að segja aldrei góða.