Augnablik liðinna daga

Tíminn líður óðfluga eða eins og óð fluga ....... og ég hef ekki haft nennu í mér til að blogga.  Hef svo sem haft ýmislegt til að tjá mig um en einhvernveginn ekki haft mig í það fyrr en nú.  

Það sem gerst hefur í íslenskum fjármálaheimi undanfarna daga ætla ég ekki að tjá mig um í smáatriðum heldur láta duga að deila með ykkur mynd sem að ég fékk í e-mail í gær

S.l. helgi eða nánar tiltekið á s.l. laugardag brá ég mér á ráðstefnu um notendastýrða þjónustu.  Afar áhugaverð ráðstefna um fyrirkomulag þjónustu við fatlaða þar sem þjónustan er sniðin að notandanum en ekki öfugt eins og kerfið okkar hérna á klakanum hefur verið síðan elstu menn muna.  Þetta nýja kerfi er algjör snilld   

Fyrir nokkru síðan fékk ég afar ánægjulegt símtal frá forstöðukonu Skammtímavistunarinnar í Hólabergi.  Hún hringdi til að bjóða unglingnum mínum skipti á helgum.  Það þýðir svona í stuttu máli sagt að hann er færður til um eina helgi og fær þá að vera með hinum unglingunum í Hólabergi en ekki vera elstur af öllum eins og staðan hefur verið undanfarin ár.  Þetta fannst unglingnum mínum afar mikið gleðiefni því að svo mikið var hann farinn að langa í tilfærslu að hann óskaði sér að hann fengi þetta í fermingargjöf í vor  

Fimmtudagur á morgun ...... spennandi að vita hvað vigtin mín segir ????  S.l. fimmtudag sýndi blessunin 81,8 sem þýðir að ég er bara 1,9 kg frá því að fá verðlaunin mín

Athugasemdir

[Elín Sigríður Grétarsdóttir, 1.10.2008 kl. 19:02]

mér finnst doltið fyndið að lesa "unglingur" þegar þú ert að tala um Kristján ... man svo vel eftir honum á leikskólanum á Blönduósi en það stækka víst öll börn þó að við eldumst ekker

[Rannveig Lena Gísladóttir, 1.10.2008 kl. 21:22]

Bíð spennt eftir nýjustu tölum 

[Brynhildur (IP-tala skráð) 1.10.2008 kl. 23:39]

ég vildi að ég væri jafn dugleg í þessu og þú. með hverju á að verðlauna sig??

[Guðmundur Þór Jónsson, 2.10.2008 kl. 13:26]

Glæsilegt með Kristján Atla. Anna mín, koddu bara til mín ég skal ALLTAF gefa þér verðlaun sama hvað vigtin segir...ég á nammi:) Hafið það gott.

[Linda Linnet Hilmarsdóttir, 2.10.2008 kl. 17:02]

knús á þig og eitt fallegt bros