Aftur í skólann

Höfundur

Anna Gísladóttir

Mamma 4 barna í fullu starfi heima og 60 % starfi við umönnun á hjúkrunardeild á Hrafnistu

"Það sem skilur menn að, er ekki það sem þeim er gefið,
heldur það sem þeir gera úr því sem þeim er gefið"
(Nelson Mandela 1995)

Jan. 2025

S	M	Þ	M	F	F	L
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Fyrri

Næsti

Bloggarar

Í gær mættu strákarnir mínir í skólann á ný eftir sumarfrí og það var ekki laust við að það væri smá spenna fyrir því Smile Meira að segja unglingurinn minn var spenntur en talaði nú samt um að það mætti alveg taka upp þann sið að sleppa alveg allri heimavinnu, hún væri bara algjör óþarfi Grin

Ég keyrði þeim sjálf í skólann fyrsta daginn en í vetur sér akstursþjónusta fatlaðra um aksturinn eins það hefur verið undanfarin ár.

Sigtryggur Einar fékk strax inni í frístundinni í Hofinu en Kristján lenti á bið í sinni frístund, Höllinni. Eins og venjulega er starfsmannaskorti um að kenna. Það er reyndar líka verið að flytja Höllina (frístundina) í nýtt húsnæði í Egilshöll og þegar það er búið býst ég við að Kristján fái einhverja daga í hverri viku.

Þegar Kristján kom heim í gær sagði hann mér að það yrði örugglega rosalega gaman í skólanum í vetur því að hann væri að fara að læra stuttmyndagerð með bekknum sínum Grin
Seinnipartinn s.l. vetur var Kristján farinn að fara nánast alveg einn út í bekk og gekk það bara mjög vel. Þess vegna var ákveðið að hann færi í fyrstu tvo tímana á hverjum degi einn út í bekk og hann er bara mjög sáttur og glaður með það Smile

Flokkur: Bloggar | Facebook