Jólin koma á morgun !

Höfundur

Anna Gísladóttir

Mamma 4 barna í fullu starfi heima og 60 % starfi við umönnun á hjúkrunardeild á Hrafnistu

"Það sem skilur menn að, er ekki það sem þeim er gefið,
heldur það sem þeir gera úr því sem þeim er gefið"
(Nelson Mandela 1995)

Jan. 2025

S	M	Þ	M	F	F	L
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Fyrri

Næsti

Bloggarar

24.12.2007 | 04:42

Christmas-Pooh-Piglet-Tree Tæknilega séð þá er sko kominn aðfangadagur. Klukkan er reyndar bara rúmlega hálf fimm þegar þetta er skrifað og ég er í vinnunni.

Ég er búin að eiga alveg yndislegan dag við jólaundirbúninginn. Ég svaf að vísu til klukkan 1 en það er jú liður í jólavinnunni Wink Þegar ég kom á fætur var Halla mín farin út að sofa þannig að á meðan að hún kláraði miðdegislúrinn sinn á svölunum dunduðum við hjónakornin okkur við að laga til og fara yfir það sem að við þurftum að gera í dag. Stærsta verkefnið var að dreifa jólapökkum um allan bæ, bæði fyrir okkur og svo líka fyrir tengdapabba ..... já og líka fyrir fólkið mitt fyrir norðan. Herbergið mitt er eiginlega búið að vera eins og póstdreyfingastöð síðustu 2 vikur. Við vorum meira að segja komin með hillurekka í herbergið fyrir allt saman.
Þegar klukkan var farin að ganga þónokkuð mikið í þrjú ákváðum við að fröken Halla Katrín væri búin að sofa nóg og vöktum hana og drifum okkur af stað í jólaleiðangurinn. Fyrst fórum við með pakkaflóð í Laufrimann til strákanna okkar sem eru þar, stoppuðum smá og fengum kaffi og piparkökur Smile Kristján og Sigtryggur voru búnir að skreyta jólatréð hátt og lágt og voru orðnir mjög spenntir yfir þessu öllu saman. Strákarnir sögðu mér að þeir hefðu smakkað skötu í hádeginu og hún hefði verið "ógeðslega vond" ! Hingað til hafa þeir aldrei fengist til að smakka skötuna því að lyktin er svo vond segja þeir. En í dag hafði pabbi þeirra keypt þá til að smakka ...... þeim var lofað að ef að þeir settu einn bita í munninn af skötunni fengju þeir Dominospizzu í kvöldmatinn. Þeir smökkuðu víst báðir þannig að í kvöldmatinn var Dominos pizza en amma þeirra sagði að það hefði litlu mátt muna að Sigtryggur ældi við það eitt að fá skötuna í munninn Sick Næsta stopp í röðinni hjá okkur var hjá henni Magneu Dís frænku minni. Þangað fórum við með fullan höldupoka af pökkum og christmastree fengum kaffi og smákökur Wink Síðasta stoppið var svo hjá vinnufélaga hans Óla en þangað fórum við með sendingu frá vinnuveitanda þeirra honum tengdapabba mínum og eins og á hinum stöðunum fengum við kaffisopa Smile Þegar þessu var lokið var eiginlega komin tími á að halda heim á leið því það var komið ansi nærri kvöldmatartíma .........
Í stað þess að leggja mig fyrir næturvaktina fór ég að dunda mér við að laga smá til og gera og græja meira fyrir jólin. Eftir kvöldmatinn fóru Óli og Sigurjón saman í leiðangur að kaupa jólatré og svei mér þá, þá held ég að þeir hafi keypt handa mér jólagjöf því að þegar að þeir komu heim kölluðu þeir úr forstofunni að ég mætti ekki koma fram og alls ekki fara í herbergið hans Sigtryggs ...... GetLost Þegar ég fór svo í vinnuna í kvöld vorum við Sigurjón búin að skreyta jólatréð og setja hreint á öll rúmin og þau systkinin Sigurjón og Halla Katrín voru komin í jólanáttfötin sín Smile Mín jólanáttföt bíða eftir mér heima ....... og mig hlakkar ekkert smá til að fara í þau eftir heita og góða sturtu Smile