Andleysi og þreyta

Ástæðan fyrir bloggleysi undanfarna daga er mikil þreyta bæði andleg og líkamleg.  Ég er búin að vera að vinna mikið og ýmislegt gengið á sem verður ekki tíundað hér ..... allavega ekki í bili.

Ein "gömul" vinkona mín kenndi mér ofsalega fallega vísu í gær.  Hún er svona:

Enginn ratar æfibraut
öllum skuggum fjarri.
En sigurinn er að sjá í þraut
sólskinsbletti stærri.

Mikill sannleikur í þessari stöku ........
Kveðja,
~Anna~ 

Athugasemdir

[www.zordis.com, 8.4.2007 kl. 07:10]

Það er enginn stakur sem á góðan vin!  Flott staka sem fær að fljóta með í farteskinu!  Snilldin er að horfa fram á við og sjá ljósið sem ryður sér rúm til okkar!  Hvíldu þig og njóttu Páskanna!  Gleðilega Páska.